DAILY UPDATES

कोरोनाची लस शोधणाऱ्या शास्त्रज्ञाची गोळ्या झाडून हत्या  कोरोनाची लस शोधणाऱ्या शास्त्रज्ञाची गोळ्या झाडून हत्या करण्यात आली आहे.    पिट्सबर्ग :  कोरोनाची लस शोधणाऱ्या शास्त्रज्ञाची गोळ्या झाडून हत्या करण्यात आली आहे. अमेरिकेच्याा पिट्सबर्ग युनिव्हर्सिटीमध्ये बिंग लू हे शास्त्रज्ञ रिसर्च असिस्टन्ट प्रोफेसर होते. बिंग लू यांचा मृतदेह त्यांच्या घराजवळ आढळला. गोळ्या झाडल्यामुळे बिंग लू यांच्या डोक्यावर, गळ्यावर, धडावर आणि हाता-पायांना जखमा झाल्या होत्या, अशी माहिती रॉस पोलीस विभागाने दिली.  बिंग लू यांची हत्या करणाऱ्याने आत्महत्या केल्याचं पोलिसांच्या प्राथमिक तपासात समोर आलं आहे. बिंग लू यांची हत्या केल्यानंतर या व्यक्तीने लू यांच्या घराबाहेर असलेल्या स्वत:च्याच कारमध्ये आत्महत्या केली, असा पोलिसांचा अंदाज आहे. या दोन्ही व्यक्ती एकमेकांना ओळखत होत्या, असाही पोलिसांना संशय आहे. चीनचे नागरिक असल्यामुळे बिंग लू यांची हत्या झाल्याची शक्यता तपास यंत्रणांनी फेटाळून लावली आहे.  कोरोनावर लस तयार केल्याचा या देशाचा दावा बिंग लू यांच्या मृत्यूमुळे आम्ही दु...

मालेगावात शासकीय रुग्णालयातच मारला छापा, धक्कादायक माहिती आली उजेडात     3500 पीपीई किट, 20 हजार मास्क, 2000 एम-95 मास्क, फेसशिल्ड मास्क, सॅनिटायझर, थर्मल मीटर, औषधी असा मोठा साठा जप्त करण्यात आला आहे.  6मे:   मालेगावात कोरोना विषाणूने अक्षरश: कहर केला आहे. कोरोनाबाधित रुग्णांच्या संख्येत दिवसागणिक वाढ होत आहे. त्यात वैद्यकीय क्षेत्रात खळबळ उडवून देणारी घटना समोर आली आहे. मनपा आयुक्त दीपक कासार यांनी 'वाडिया' शासकीय हॉस्पिटलवर छापा मारला आहे. 3500 पीपीई किट, 20 हजार मास्क, 2000 एम-95 मास्क, फेसशिल्ड मास्क, सॅनिटायझर, थर्मल मीटर, औषधी असा मोठा साठा जप्त करण्यात आला आहे. कोरोना विषाणूच्या पार्श्वभूमीवर डॉक्टर, सफाई कर्मचारी यांच्यासाठी महापालिका प्रशासनाने हे साहित्य खरेदी केले होते. मात्र, हे साहित्य संबंधित कर्मचाऱ्यांना वाटप न करता शासकीय हॉस्पिटलच्या गोदामात लपवून ठेवण्यात आल्याची धक्कादायक माहिती उजेडात आली आहे. आयुक्त दीपक कासार यांना गुप्त माहिती मिळाल्यानंतर त्यांनी ही कारवाई केली. या प्रकरणी भांडारपाल राहुल ठाकूर व कदीर नामक कर्मचाऱ्यांना...

काय म्हणताय! आता 'हा' प्राणी माणसांंना Coronavirus पासून वाचवणार?                                एका अभ्यासानुसार लामा(llama) या प्राण्याच्या रक्तात कोरोनाव्हायरशी (coronavirus) लढणाऱ्या अँटिबॉडीज (antibody) आहेत.                         टेक्सास, 06 मे :  जगभरातील शास्त्रज्ञ कोरोनाव्हायरसविरोधात (Coronavirus) लस आणि औषध शोधत आहेत. त्यात आता एक दिलासा देणारी बातमी म्हणजे लामा  (Llama) या प्राण्याच्या शरीरात कोरोनाव्हायरशी लढणाऱ्या अँटिबॉडीज सापडल्यात. युनिव्हर्सिटी ऑफ टेक्सासच्या (University of Texas) शास्त्रज्ञांनी केलेला हा अभ्यास जर्नल सेलमध्ये प्रसिद्ध करण्यात आला आहे. कोरोनाव्हायरसचे स्पाइक मानवी पेशींमध्ये असलेल्या प्रोटिनशी जोडले जातात आणि हा व्हायरस मानवासाठी घातक ठरतो आणि हीच प्रक्रिया कशी रोखता येईल यासाठी प्रयत्न सुरू आहेत.  शास्त्रज्ञांना दिसून आलं की लामा प्राण्यातील अँटिबॉडीज व्हायरशी ...

नुसता राडा! 52 हजाराच्या दारूचं बिल सोशल मीडियावर व्हायरल, सत्य वाचून धक्काच बसेल         एवढ्या रुपयांची दारू विकत घेतल्याचं हे हिल व्हॉट्सअ‍ॅपवर व्हायरल झाल्यानंतर इतकी दारू विकत घेणारी ही व्यक्ती कोण आहे हा चर्चेचा विषय ठरला आहे.               बंगळुरू, 06 मे :   देशात दारूची विक्रीसाठी परवाणगी मिळाल्यापासून सोशल मीडियावर धुमाकूळ सुरू आहे. अशात एका दारू खरेदी केल्याच्या बिलाचा फोटो सोशल मीडियावर तुफान व्हायरल होत आहे. 52 हजार 841 रुपयांचं दारू खरेदी केल्याचं हे बिल आहे. एवढ्या रुपयांची दारू विकत घेतल्याचं हे हिल व्हॉट्सअ‍ॅपवर व्हायरल झाल्यानंतर इतकी दारू विकत घेणारी ही व्यक्ती कोण आहे हा चर्चेचा विषय ठरला आहे. सखोल तपासानंतर याचा खुलासा झाला आहे. काही लोकांनी एकत्रितपणे दारू विकत घेतली आणि त्याचा अभिमान व्यक्त करत हे बिल स्वतःच सोशल मीडियावर व्हायरल केलं. याप्रकरणी बेंगळुरू उत्पादन शुल्क विभागानं दुकानदारावर अधिक मद्य विक्री केल्याप्रकरणी गुन्हा दाखल केला आहे आणि खरेदीदारांचा शोध सुरू केला आहे. लॉकडाऊन दरम्या...