करोनावर लस सापडली; इटलीचा दावा

करोना व्हायरसचा तडाखा सहन करणाऱ्या इटलीने लस शोधली असल्याचा दावा केला आहे. इटलीत करोनाच्या संसर्गामुळे २९ हजारजणांचा मृत्यू झाला आहे. ही लस सर्वात प्रगत टप्प्यावर असल्याचा दावा करण्यात आला.

रोम: करोना व्हायरसच्या थैमानामुळे हतबल झालेल्या इटलीतून दिलासादायक वृत्त समोर आले आहे. इटलीने करोना व्हायरसचा प्रभाव नष्ट करणारी लस शोधली असल्याचा दावा केला आहे. ही लस शरीरात अँटीबॉडी तयार करून करोना व्हायरसचा नायनाट करत असल्याचा दावा करण्यात आला आहे. 

इटलीमध्ये २९ हजारजणांचा करोनाच्या संसर्गाने मृत्यू झाला आहे. तर, २ लाख १३ हजार नागरिकांना बाधा झाली आहे. मंगळवारी 'सायन्स टाइम्स'मध्ये प्रकाशित झालेल्या वृत्तानुसार, रोममधील स्पालनजानी रुग्णालयात याची चाचणी करण्यात आली. एका उंदिराच्या शरीरात अँटीबॉडीज् तयार करण्यात आली. त्यानंतर एका करोनाबाधित रुग्णावर याचा प्रयोग करण्यात आला. या रुग्णाच्या प्रकृतीत सुधारणा झाली असल्याचा दावा करण्यात आला आहे. रोममधील लजारो स्पालनजानी नॅशनल इन्स्टिट्यूट फॉर इन्फेक्शन डिजीजे संशोधकांनी सांगितले की, ज्यावेळी करोनाबाधित रुग्णावर लसीचा वापर करण्यात आला. तेव्हा शरीरात अँटीबॉडी तयार होऊन करोना व्हायरसचा नायनाट झाल्याचे आढळून आले. या रुग्णालयाने कोविड-१९च्या जीनोम सिक्वंस आयसोलेट तयार केले.

वाचा: करोना: इस्राएलच्या 'या' सीक्रेट लॅबमध्ये तयार झाली लस!
दरम्यान, इस्राएलनेदेखील करोनावर लस विकसित तयार केला असल्याचा दावा केला होता. सध्या जगभरात एकूण १०० अधिक लस या प्री-क्लिनिकल ट्रायलवर आहे. त्यातील काही लसींची चाचणी मानवी शरीरावर सुरू करण्यात आली आहे. चीन, अमेरिका, ब्रिटनसह अनेक देशांमध्ये लस विकसित करण्याचे प्रयत्न सुरू आहेत.